काठमाडौं । नेपाली कांग्रेसका उपसभापति तथा संसाद धनराज गुरुङले ५०० र १००० रुपैयाँका नेपाली नोट प्रतिबन्ध लगाउनुपर्ने धारणा राखेका छन् । मुलुकमा आर्थिक सुशासन कायम गर्नको लागि सरकारले ५०० र हजार दरका नोटमाथि प्रतिबन्ध लगाउनुपर्ने गुरुङको भनाइ छ ।
बुधबार प्रतिनिधिसभा बैठकमा युवा तथा खेलकुद मन्त्रालयको विनियोजित बजेटमाथिको छलफलमा भाग लिँदै उपसभापति गुरुङले ५०० र १००० दरका नोटहरूमाथि प्रतिबन्धित गर्ने हो भने देशमा भ्रष्टाचार कम हुने बताएका छन् । त्यसो गर्ने हो भने देशमा हुन गरेका गैरकानुनी कारोबार रोकिने र झण्डै ८० प्रतिशत राजस्व चुहावट नियन्त्रण हुने उनले ठोकुवा गरे ।
पछिल्लो समय धनीमानी व्यक्तिहरुले बैंकमा पैसा राख्दा कर तिर्नुपर्ने डरले बैंकमा पैसा नराखी घरमै लुकाइछुपाई कारोबार गर्ने गरेको आशंकामा ५०० र १००० दरका नोटमाथि प्रतिबन्ध लगाउनुपर्ने धारणा गुरुङले व्यक्त गरे । त्यस्ता व्यक्तिहरुले अवैध रुपमा राखेको धन पनि ५०० र हजार रुपैयाँका नोटमा प्रतिबन्ध लगाएपछि बाहिर आउने उनको तर्क छ ।
जन आवाज दैनिक …………..स्थित ……………….प्रा.लि. द्वारा सञ्चालित समाचार पोर्टल हो । यसले खोजमूलक समाचार, विचार-विश्लेषण, अन्तर्वार्ता सहित विभिन्न क्षेत्रका सूचनालाई समाचारका रूपमा प्रस्तुत गर्छ।