वीरगन्ज महानगरपालिकाले विगत डेढ वर्षको अवधिमा जथाभावी फोहोर फाल्ने ५९४ जनालाई कारबाही गरी जरीबाना बापत ३६ लाख भन्दा बढी राजस्व संकलन गरेको छ।
वीरगन्ज महानगरपालिकाले २०७९ पुष १७ गतेदेखि सडक, नाला , खाली जग्गा लगायतका स्थानमा जथाभावी फोहोर फाल्नेलाई कारबाही गरि जरिबाना तिराउँदै आएको छ । त्यसयता गत जेष्ठ मसान्तसम्म ५९४ जनालाई कारबाही गरी ३६ लाख भन्दाबढी राजश्व संकलन गरिएको महानगरपाालिकाका सरसफाई व्यवस्थापन महाशाखाका प्रमुख सरफुदिन मियाँले जानकारी दिए ।
वीरगन्ज महानगरपालिकाले १८ महिनाको अवधीमा जथाभावी फोहर फाल्ने ५९४ जनाबाट ३६ लाख जरिवाना असुल गगरेको उनले बताए । मियाँका अनुसार, महानगरपालिकाले फोहोर फाल्नेलाई कारबाही गरी न्यूनतम ५ सय रुपैयाँदेखि अधिकततम ५० हजार रुपैयाँँसम्म जरिबाना तिराउँँदै आएको छ ।
महानगरपालिकाले सडक वा अन्यत्र स्थानमा जथाभावी फोहोर फाल्नेहरुको बारेमा बिहान चार घण्टा, दिउँसो आठ घण्टा र राति चार घण्टा गरी तीन चरण्मा निगरानी गर्दै आएको छ ।
प्रमुख मियाँका अनुसार, वीरगञ्ज महानगरपालिकाले विगत केही वर्षदेखि मुख्य र सहायक सडकहरूको फोहोर ठेक्काबाट संकलन गर्दै आएको छ भने ठेक्काबाहेकका क्षेत्रमा महानगरकै सरसफाइ शाखाले फोहोर व्यवस्थापनको जिम्मेवारी लिएको छ। नारायणी अस्पताल, वीरगन्ज कारागार, भारतीय महावाणिज्य दूतावास, जिल्ला र उच्च अदालत तथा नाला कटान गरी भएका फोहोरलाई महानगरले संकलन गर्दै आएको छ।फोहर व्यवस्थापनमा महानगरपालिकाले अपनाएको कडा नीति र जरिवानाका कारण शहरमा सरसफाइ कार्यमा उल्लेख्य सुधार आएको छ।
जन आवाज दैनिक …………..स्थित ……………….प्रा.लि. द्वारा सञ्चालित समाचार पोर्टल हो । यसले खोजमूलक समाचार, विचार-विश्लेषण, अन्तर्वार्ता सहित विभिन्न क्षेत्रका सूचनालाई समाचारका रूपमा प्रस्तुत गर्छ।